video reportaxe sobre as tallas ilegais: https://youtu.be/Z3pFORGyais
- Ecoloxistas en Acción denuncia que transcorridos mais de 15 anos dende a declaración das Fragas de Catasós (Lalín, Pontevedra) como monumento natural, non existe o Plan de Conservación do monumento natural que é preceptivo segundo a LEI 9/2001, nin ningún dos outros dous instrumentos de planificación previstos (Plans de ordenación dos recursos naturais e Plans reitores de uso e xestión).
- A organización ecoloxista sinala que estos plans para a conservación e xestión do parque natural deberían estar en marcha como máximo dous anos despois da súa declaración como monumento, por iso esixe solicitan á Consellería de Medio Ambiente a que proceda á elaboración do Plan de Conservación do monumento natural Fraga de Catasós sen máis dilación.
Ecoloxistas en Acción sinala que segundo a lexislación vixente «a declaración como monumento natural implica a protección pola administración dos procesos ecolóxicos esenciais e dos sistemas vitais básicos existentes na zona, mediante a regulación da utilización ordenada dos recursos, que garantan o aproveitamento sostible das especies e dos ecosistemas e a súa restauración e mellora, para facer efectiva a preservación da variedade, singularidade e beleza do seu ecosistema natural e paisaxe».
Para implementar esta protección e restauración é imprescindible a elaboración dos preceptivos instrumentos de planificación.Os plans de conservación deben incluir a delimitación do seu ámbito de protección, a identificación dos valores que hai que protexer e dos posibles riscos que poidan afecta os seus valores naturais, as normas de uso e aproveitamento do solo e dos recursos naturais, destinadas a protexer e conservar ou mellorar os valores ambientais eas normas relativas ó uso público, así como ás actividades científicas ou educativas.Ecoloxistas en Acción denuncia que a falta destos plans de conservación está faclitando a degradación da contorna do monumento natural. Sinalan que se estiveran activas ditas figuras de planificación posiblemente evitarianse as tallas ilegais como a levada a cabo a finais de febreiro no souto de Cardiego a escasos metros do monumento natural.
