A deputada socialista sinala que o establecemento subvencionado por Feijóo non estaba sendo dedicado ao turismo rural por moito que figurara na oferta turística da Xunta a lo menos dende o momento en que foi adquirida por Conde, e quere que o goberno galego clarifique se o establecemento foi dedicado a esta fin mentres era propiedade do sogro de Baltar.Reclamará ademais as facturas que confirmen que as axudas que Caldelas percibiu, un total de 490.000 euros procedentes do Fondo Europeo de Desenvolvemento Rural -incluíndo os 120.000 euros do goberno galego- foron efectivamente destinadas á rehabilitación das instalacións. Blanco esíxelle ao goberno galego que clarifique ademais se a obriga de devolver as axudas afecta tamén ao beneficiario inicial das axudas, o familiar de Xosé Manuel Baltar, se esta obriga afecta tamén á contía recibida da UE e se lle ten dado conta desta situación ás autoridades comunitarias encargadas de loitar contra a fraude e a corrupción.ACUSAN Á XUNTA DE INTENTAR TAPAR UN “POSIBLE PELOTAZO” DO SOGRO DE BALTAR NA VENDA DO PAZO DE CHAGUAZOSO A MARIO CONDE